٣١ گوڵان ٢٠٢٢

کەجەکە: سەرکەوتن بۆ ئەو کەسانە دەبێت کە بە ڕۆحی ١ی حوزەیرانەوە بەرخۆدان دەکەن

ئێمە هەڵمەتی ١ی حوزەیران، کە یەکێکە لە قۆناغە هەرە گرنگەکانی تێکۆشانی ئازادیی کوردستان لە گەل، هێزە شۆڕشگێڕ و دیموکراسیخوازەکانمان و لە مرۆڤایەتیی بەرەنگار پیرۆز دەکەین. لە کەسایەتپی هەزاران شەهیددا، کە سەرکەوتوانە پێشەنگایەتیی پراکتیکی و هەڵمەتی ١ی حوزەیرانیان بەڕێوەبرد و خەبات و تێکۆشانیان گەیاندە ئەمڕۆ بە ڕێزەوە یادی هەموو شەهیدانی شۆڕش و دیموکراسی دەکەینەوە، ئێمە بەڵێنی خۆمان دووپات دەکەینەوە، کە پشت بە یادی شەهیدان دەبەستین و یادی و رێگایان و ئامانجەکانیان سەر سەرکەوتن و سەرفیرازی دەگەیەنین.

١ی حوزەیران هەڵمەتێکی مێژوویی تێکۆشان و خەبات و ئازادییە بە پێشەنگایەتیی گەریلا لە دژی هێرشە پاکتاوکارییە ناوخۆیی و دەرەکییەکان، کە وەک بەشی کۆتایی پیلانگێڕیی نێونەتەوەیی بوو، پاکتاوکارانی ناوخۆ بە پشتبەستن بە هێزە پیلانگێڕە نێونەتەوەییەکان ویستیان ئەم بزووتنەوەیە لە هێڵی ئازادی و ئامانجەکەی دووربخەنەوە و کۆتایی پێ بهێنن. هەڵمەتی ١ی حوزەیران بووە هەڵمەتێکی مێژوویی دژی ئەمە. لەگەڵ هەڵمەتی ١ی حوزەیراندا لە پاکتاوکاریی پاکتاوکاران و ئامانجی هێزە پیلانگێڕەکان پوچەڵکرایەوە.

هەڵمەتی ١ی حوزەیران لە ڕووی ئایدۆلۆژی و سیاسی و کۆمەڵایەتی و سەربازییەوە هەڵوێست و پێگەی ئازادیی گەلی کورد و ڕۆحیەت و تێکۆشانی لە دژی خیانەت و خۆبەدەستەوەدان لە سەر بنەمای نەتەوەی دیموکراتیک و ڕێکخستنکردن گەیاندە ئاستێکی بەرز و تێکۆشانە ڕەواکەى بەهێزتر کرد. ئەو هەڵمەتەش زەمینەیەکی بەهێزی دروستکرد بۆ بنیاتنانی پارادایمی دیموکراتیک، ژینگەیی و ئازادیی ژنان، کە لە لایەن ڕێبەر ئاپۆوە ئافرێنراوە و و بووە بەشێکی پراکتیکی شەڕی گەلی شۆڕشگێڕی. ئەمڕۆ بەرخۆدانی گەورە لە زاپ، ئاڤاشین، مەتینا، حەفتانین و خواکورک ئەنجامدەدرێت و بە واتای لوتکەی ١ی حوزەیرانە.

لە دژی هێرشە داگیرکارییەکانی دەوڵەتی تورکی فاشیست، کە هێرش دەکات بۆ تەواوکردنی کۆمەڵکوژی و پاکتاوکاری لە دژی کوردان و بەدیهێنانی خەونەکانی میساقی میلی، گەریلاکان قارەمانانە لە هێڵی سەرکەوتندا خۆڕاگری دەکەن و گورزی قورس لە دوژمن دەدەن. جارێکی تر یادی شەهیدانی زاپ و ئاڤاشین و مەتینا دەکەینەوە، کە ئەو بەرخودانەیان گەیاندووەتە بەرزترین ئاست. ئێمە سڵاو لە هەموو فەرماندە و شەڕڤانانی هەپەگە و یەژاستار دەکەین، کە بە ڕۆحێکی گیانفیدایی زاپ و ئاڤاشین-یان کردووەتە گۆڕستانی دوژمنان و بە قوڵترین هەستی هەڤاڵێتی و هاوڕێیانەوە هیوای سەرکەوتنیان بۆ دەخوازین و سڵاویان لێدەکەین. بە دڵنیاییەوە لەم شەڕەدا دەوڵەتی تورکی داگیرکەر و پاکتاوکار و هاوبەشەکانی تێکدەشکێت و بەرخۆدانی گەریلا و گەل سەردەکەوێت.

بەرخۆدانی گەریلا پیلانەکانی دەوڵەتی تورکی پووچەڵکردەوە

دەوڵەتی تورکی داگیرکەر و پاکتاوکار ویستی لە ماوەیەکی کورتدا بەرخۆدانی گەریلا تێکبشکێنێت و باشووری کوردستان داگیر بکات، بەڵام بەرخۆدانی فیداییانەى گەریلا پیلانەکانی دەوڵەتی تورکی فاشیست و پاکتاوکاری پووچەلکردەوە. گەریلاکانی ئازادیی کوردستان نەک هەر بەرگرییەکی گەورە لە بەرامبەر پێشکەوتوترین تەکنیکەکانی ئەو سەردەمە دەکەن، بەڵکو دژی چەکی کیمیاییش کە بەکارهێنانی تاوانی جەنگ و دژ بە مرۆڤایەتییە، مێژوویەکی نوێی بەرگری و بەرەنگاری تۆمار دەکەن. گەریلاکانی ئازادیی کوردستان بە ڕۆح و ئیرادە و بەرخۆدانی ئاپۆیی تێدەکۆشن و شەڕ دەکەن، جارێکی دیکە سەلماندیان لە هەموو هەلومەرجێکدا کوردستان و گەلی کورد لە دژی هێرش و داگیرکاریی دوژمنان دەپارێزن.

لەكوێ كە دۆژمن دەیەوێت لەوێدا خۆی بەجێ بكات، گەریلا بەهێزێكی بەهێزە و چالاكانە زەبڕی لێدەوەشێنێت و رۆژانە زەبری قورس لەئەرتەشی توركی داگیركەر دەوەشێنێت. دەوڵەتی تورك و فاشیستی ئاكەپە ـ مەهەپە بۆ ئەوەی لەپێ خۆی راگێرێت، هەموو هیوای خۆی بەشەڕی لەدژی كوردان بەستووەتەوە و راستیەكان لەرای گشتی دەشارێتەوە.

بێدەنگی بەواتا بەشداربوونە لە تاوان

دەوڵەتی تورك كاتێك لەبەرامبەر بەگەریلا بندەكەوێت، تاوان شەڕ ئەنجامدەدات و چەكی كیمیایی بەكاردێنێت. بەكارهێنانی چەكی كیمیایی تاوانێكی مرۆڤیی شەڕە. داواكارین لەنەتەوەیەكگرتووەكان، هەموو هێز و رێكخراو و دام و دەزگا جیهانی و هەرێمیەكان دەكەین كە واژۆی رێككەوتنی نێونەتەوەیی لەدژی قەدەغەكردنی چەكی كیمیایی كردوە، بێدەنگ نەمینن و هەڵوێستی خۆیان لەبەرامبەر بەدەوڵەتی قڕكەر ئاشكرا و زەلال بكەن. بێدەنگی لەبەرامبەر بەبەكارهێنانی چەكی كیمیایی بەواتای بەشداربوون و هاوبەشی لەتاوانی دژ بەمرۆڤایەتیە.

بانگەوازی لەگەلەكەمان، دۆستانمان و مرۆڤایەتی دەكەین با لەبەرامبەر بەم تاوانەوە لەدژی مرۆڤایەتی كە دەوڵەتی تورك بەرێوەی دەبات بێدەنگ نەمینن و تێكۆشانی خۆیان زیاتر پەرە پێ بدەن و بەهێزتر بكەن.

گۆڕانكاری جۆگرافی”دیمۆگرافی” قڕكردنێكی هەرە وەحشیگەرانەیە

دەوڵەتی توركی فاشیستی ئاكەپە ـ مەهەپە خاوەن چەمكی دۆژمنكارانەی كوردە. ئامانجیان تەنیا گەریلا و بزوتنەوەی كوردان نیە. لەبەر ئەوەی بزوتنەوەی ئازادیی كوردان لەدژی قڕكردنە، دەوڵەتی تورك هێرشی دەكاتەسەر. دەوڵەتی تورك دۆژمنی كوردان و ئامانجی ئەساسی لەناوبردنی كوردانە. لەسەر ئەم بنەمایە لەهەرشوێنێك پەلاماری كوردان دەدات، كوردان دەكۆژێت و وەكو ئەوەی لەرۆژئاوا دەیەوێت لەسەر خاكی كوردان دیمۆگراف بگۆڕێت. گۆڕینی دێمۆگرافی ئەمڕۆكە قڕكردنی هەرە وەحشتناكە. دەوڵەتی تورك، ویلایەتەیەكگرتووەكانی ئەمریكا و ئەوروپا لەپێشدا دەیانەوێت هەموو دام و دەزگایەك كە پەیوەندیان لەگەڵی هەیە، دەیەوێت بیانكاتە هاوبەشی قڕكردنی كوردان و لەسەریان دەسەپێنێت كە پشتگیری پێ بدەن. بانگەوازی لەو هێزانە دەكەین با نەبنە هاوبەشی هێرشی قڕكردنی دەوڵەتی تورك. دەبێت لەگەڵ، گەلی كورددا بن، ئەو كوردەی كە تێكۆشانی هەرە رەوا لەدنیا بەرێوە دەبات.

بانگەوازی لەهۆنەرمەندان، نوسەر و رۆشنبیران

لەبەرامبەر دۆژمنایەتی كە لەبەرامبەر بەكوردان لەلایەن دەوڵەتی توركی قڕكەر و داگیركەر و فاشیستی ئاكەپە ـ مەهەپەوە بەرێوە دەبردرێت، گەلی وڵاتپارێزی كوردستان لەپێشدا، هەموو گەل، دۆستانمان و لایەنگەرانی دیموكراسی لەهەموو شوێنێك تێكۆشان بكەن. هەرچۆن گەریلا لەهەموو شوێنێك لەبەرخۆدان و خۆڕاگری و تێكۆشاندایە، دەبێت هەر كەس لەجێگەی خۆیدا لەبەرامبەر بەفاشیزمی ئاكەپە ـ مەهەپە تێكۆشانیان بەهێزتر و مەزنتر بكەن.

رۆشنبیر، نوسەر و هۆنەرمەند لەبەرامبەر بەكۆمەڵگە ئەرك و بەرپرسیاریەتی خۆیان هەیە. لەبەرامبەر بەهێرشی هەمەلایەنە لەسەر بوونی كوردان، دەبێت رۆشنبیر و هۆنەرمەند باشتر خاوەنداری لە ئەركی خۆیان دەركەون و پشتگیری كۆمەڵگە بكەن. دەبێت مرۆڤن رۆشنبیر و پێشكەوتووی كۆمەڵگە دەستپێشخەری بگرنەدەست و هەوڵەكانیان بەگەڕ بخەن. لەپێش هەموویاندا دەبێت هاوشانی گەریلا و گەلدا بن. گەریلا لەبەرامبەر بەكارهێنانی چەكی كیمیایی، خیانەت و داگیركاری لەبەرخۆداندایە. رۆشنبیر، نوسەر و هۆنەرمەند دەبێت پێشەنگایەتی تێكۆشان بكەن.

با بەرۆحی گەنجیەتی ئاپۆیی تێكۆشان گەشتر بكەین

كۆردیناسیۆنی كۆمەڵگەی گەنجان لەبەرامبەر بەداگیركاری و قڕكردن هەڵمەتی وەرن جەنگی ئازادی دابوو دەست پێ كردن، ئێمە ئەو هەڵمەتە زۆر واتادار دەبینین و دەستنیشان دەكەین ئێمە لەگەڵ ئەو هەڵمەتەین. گەنجانی كوردی ئاپۆیی لەپێشدا بانگەوازی لەهەمووگەنجان دەكەین بەشداری هەڵمەتی جۆانان ببەن. گەریلا بەرۆحی گەنجی لەبەرخۆی دەدات و تێدەكۆشێت. گەلی وڵاتپارێزی كوردستان و گەنجانی دەبێت لەهەرشوێنێك بەرۆحی گەنجیەتی ئاپۆیی تێكۆشان بەهێزتر و گەشتر بكەن.

ئەوا دەوڵەتی توركی داگیركەر و قڕكەر و هاوبەشەكانیان بن بكەون. ئەوا سەركەوتن ببێتە ماڵی ژنان، گەنجان و مرۆڤایەتی و ئەو كەسانەی كە دڵیان لەگەڵ ئاگری ئازادی كە بەرۆحی یەكی حۆزەیران خۆڕِاگری دەكەن.